මොකක්ද මේ IVDP (Inter vertebral Disc Prolapse) නැතිනම් මඩල ලිස්සීම
IVDP නැතිනම් ඩිස්ක් එකේ ප්රශ්නයක් යනුවෙන් බොහෝ දෙනෙක් හදුන්වන මෙම තත්වය බොහෝ හේතූන් නිසා ඇතිවිය හැකියි.ප්රධානවම අපගේ කශෙරුකා දෙකක් අතර ඇති අන්තර් කශේරුක මඩල කශෙරුකා දෙක අතරින් පිටතට පැමිණ සුසුම්නාව තෙරපීමකට ලක්වීම මෙහිදී දැකිය හැකියි. මෙම තත්වය මඩල ලිස්සීම යනුවෙන් හැදින්වේ.බොහෝ විට වයස්ගත වීමත් සමග පිටකොන්දේ සහ කශෙරුකාවට ආසන්නව ඇති මාංශපෙශීන් දුර්වල වීමත්, විවිධ අනතුරු සිදුවීමත් සමග මෙම තත්වය ඇතිවිය හැකියි. වයස්ගත පුද්ගලයන් වැටීමට ලක්වීම, මාර්ග අනතුරු වලට ලක්වීම වැනි දෑ මෙම තත්වයට ප්රධානවම බලපෑ හැකියි. විවිධ ආකාරයේ අනතුරු මගින් තරුණ පුද්ගලයන්ටද මෙම තත්වය ඇති වීමේ අවධානමක් ඇති බව මතක තබා ගත යුතු වේ.
මෙය දරුණු තත්වයක්ද?
මෙම තත්වය ඉතා සුලු ගණන් ගත යුතු නොවන තත්වයේ සිට අවිදීමට පවා නොහැකිවන තත්වයට දරුණු විය හැකියි
මෙහිදී ඇතිවන රෝග ලක්ෂණ මොනවාද?
කොන්දේ සිට කකුල් දෙකටම සමානව හෝ අසමානව දිව යන වේදනාවක් හෝ හිරියක් දැනීම, මාංශපේශීන්ගේ තද ගතියක් දැනීම වැනි ලක්ෂණ ප්රධානව දැකිය හැකියි.
භෞතචිකිත්සාව මගින් මෙය සුව කල හැකිද?
ඔව් මෙම රෝගී තත්වයේ මූලික අවස්තාවන් භෞතචිකිත්සාව මගින් සුව කල හැකි අතර දරුණු තත්වයන් සදහා ශල්යකර්ම මගින් ප්රතිකාර සිදුකිරීමට සිදුවේ.මෙම රෝගී තත්වයේ මූලික අවදියේදීම නිසි ප්රතිකාර ලබා ගැනීම මගින් ඉක්මනින් සුව කර ගැනිමේ හැකියාව ඇත.
Comments
Post a Comment